جتني رساله من صدى خافق الروح

قصيدة راائعه للشاعر حمود الشمري
وهي عن اخته اللي قاطعها 20 سنه .. عقبها ارسلت له اخته قصيده ورد عليها

جتني رسالة من صدى خافق الروح
وقريتها بإحساس قلبي وروحي

قريتها وانهدّت قصور وصروح
وأنا من أول عالياتن صروحي

تشكي تقول القلب يا حمود مجروح
ا تدري اني غايراتن جروحي

تهلّ دمع وترفع الصوت بالنوح
واللي فقد غاليه لازم ينوحي

ما كلّمتني يمكن الصوت مبحوح
من النوح وإلا ما استطاعت تبوحي

جتني رسالتها بها دموع وجروح
وانهَد باسباب الرسالة طموحي

تقول ياحمود الزمن صار مفضوح
والشيب فيني لو تشوفه يلوحي

يا بو علي مالي بالأغراب مصلوح
مادام قلب اللي نحبه شحوحي

ودّي بشوفك دام الأعمار بفسوح
قبل الرحم يا خوي منا يروحي

زلّ الزمان اللي به أفراح ومزوح
أنخاك تكفى لا تظنّه مزوحي

وبعد الرسالة صار بالقلب ذابوح
طار المنام وصار فكري يشوحي

أختي رسالتها لها القلب مفتوح
كلّي لها والقلب ينصت ويوحي

أقولها ودموع عيني لها فوح
وسط المحاجر دمع عيني يفوحي

أجاوب الورقا على عالي الدّوح
وأنوح من فرقا الرفيق السموحي

والله لو إني وسط الأطباق مذبوح
لأظهر كما خطو الحصان الجموحي

وأقول يا عين المها ما بها شروح
لو تطلبين الروح تفداك روحي

للاستماع

https://www.youtube.com/watch?v=pqwVCz97W58

/

/

قصيدة جداً رائعه ياكادي ,, جزله في معانيها

لاهنتِ ياذوق

تواجد الاروع

لاخلا ولاعدم

» رساله اهل الجنوب
» غربه الروح
» خربشات_ خيال _غربه الروح