قصيدة رهيبة لشاب فقير بيخطب بنت عمه المليونير

قصيدة لشاب فقير بيخطب بنت عمه المليونير .. حلووة (القصيدة)

قصيده رهيبه

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه
هههههههههههههههههههههههههههههههههههههه
وسلامــتــكـــم ، ،

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة

ههههههههههههههههههههههههههههههههههههههاي والله الرجال عصب

وماينلام وش هالشروط عذاب والله لو انها بنت امير

بس القصيده فلللله

يسلمو ياغلا

اقتباس :: يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

والله من قلب قلبه كااااتب هالكلام ..

ماينلام صرآحه ,, اللحين صآر الزواج مظاهر ومفآخر ..

لكن للي عنده عقل يفكر ع قولة ...

اقتباس :: وين الصفات اللي أمرنا بها الديـن **وين اختفى نهج النبي والصحابـة

آحتــــــــرآمي لكِ ..

اقتباس :: قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

ههههههههههههههه

بقى الجد والجده

تعجيزات مش زواج

اقتباس :: قلت ابشر أبشر لكن الباب من وين**وأقفيت من عنده على صوت بابـه

مسكين تعب من تعجيزاتهم

لكن القصيده فعلا تحكي واقع نعيشه

المغالاه في المهور والعيش خلف المظاهر

مشكور أنثى أبكت القمر على القصيده

في انتظار جديدك

دمت بخير

من جد جميله وجود الحب يكفي عن دول كلهاا ولا لبد يكون مليونير
بس في هيك حاااله اشوف بن العروس هي التي شاريه الرجل
عندك ريال تسوا ريال عندك مليون تسوا مليون

الصراحه كفو رد عليه ووصفه ان راس ماله ريالين

وبنته يمكن ما تسوي ذبابه .. او محد يطالع فيها

بس ثروت ابوها مجبروين يطالعو فيها..

وها ذيب ما نضر لاموال ابوها ولا صغر نفسه لان كبريئه اكبر من كذا

صاحبه القمر الباكي ... سلمت اناملك

انثى ابكت القمر

قصيده نابعه من الصميم واظن كاتب الابيااات قااالها من حرم ابه ههههههههههههههههه
لان الشعر وصف مشاااعر وليس مجرد كلام

يعطيك الف عاافيه

معالي الشوق _روح الحياه _صخب أنثى_ النايف_كبرياء رجل_عبدالله اليامي

الله يسلمكم ويعطيكم العافية ولكم مني الوفاء والاحترام
ردودكم رائعة مثل أرواحكم
دمتم فخرآ وعزآ

تقبلوا ودي
أنثى أبكت القمر

» قصة حقيقية لشاب سأله والده أمنتك بالله ماذا حـدث لك اليوم العصر!!‎‎
» قصيدة حب وغرام ...
» قصيدة بن فطيس في حليمه