تذبح القلب بالشوق

وين انت ياللي .. تذبح القلب بالشوق
العقل من بعد ( اللقاء ) منك ما فاق

ليتك تحس بواقعي بس .. وتذوق
من كاسك اللي منه ( نشفن ) الارياق

دنياي من دونك ترى مالها ( ذوق )
خليتني عايش على ( حد ) الارهاق

إليا متى .. ببقى اطالبك بحقوق
ماتشوف كل الكون .. في غيبتك ضاق

وراك كني تايه الدرب .. ملحوق
خايف تكون .. نهاية الحب لفراق !!

يكفي عذاب اللي ( غدا ) منك محروق
غيرك وربي بالبشر ما بعد .. لاق

جيتك جروح .. وباقي .. الحال مسروق
من سِـبّـتك ضاقت بي ( افجوج ) وآفاق

انا دخيلك .. تفهم الوضع برفوق
ما عاد صبري لو تصورت .. ينطاق !!

تعال بعدك حالتي كلها .. عوق
عقبك ودربي بالهوى صار .. منعاق

تدري مكانك ( غايتي ) دايما فوق
فيك انولد ( حلمي ) وكبرن الاشواق

تاخذني ايامك .. لها حيل واتوق
دامك هناي .. ورغبتي .. ليه مشتاق

لو تطلب اسنين العمر .. جاتلك سوق
والروح لجلك دايم الدوم .. تنساق

في عيني اكبر .. من ( غلا ) كل معشوق
مثلي لحبك ماعتقد ( مر ) عشاق

متى تجيني .. تطلب القرب وتروق
ونهيم ساعة كلها ( ضم وعناق )

والله ما ياصل غلاك اي ( مخلوق )
وحدك سكنت بداخلي ( وسط الاعماق )

تدري مكانك ( غايتي ) دايما فوق
فيك انولد ( حلمي ) وكبرن الاشواق

رووووووووووعه من جد ابدااااااااع

واحلى تقيييم

يعطيك مليونن عافيه

المبدع وصديق المنتدى الغايب الحاضر عبدالله اليامي ///

استشعر انك محروم من شيء ماااااا ...!!! امل تواصلك معنا اكثر واكثر

فلك مقام كبير بالنفس وتقدير بالغ ... تقبل تواجدي في متصفحك

اقتباس :

والله ما ياصل غلاك اي ( مخلوق )
وحدك سكنت بداخلي ( وسط الاعماق )

صح لسآآنك

كلمآت ملموسة وشفآفة بآع ـــذب الاشوآآآق ..

فـ شكرا لك

بجحم الاشووااااق اللتي بين السطور ..!!!

» القلب هو القلب ,,,,,,,,,والقبر صندوق العمل
» لَحظَةُ الصَّمتِ كانتْ كَلامًا.. اهداء لحبيبة القلب حصة
» 3 أ كواب شاي يحمي القلب