بعض العرب حبه يوردكـ الجنون !!!

بعض العرب حبـه يـوردك الجنـون =ولا يوصف لـه غـلاه احكـاك لـه

مايقنعه وصف الغلا لـو وش يكـون = لو كل حـرفٍ بالحريـر يحـاك لـه

الموت جـاك وهـو تقلبـه الضنـون = ولا لك الا الصبر....وش وداك لـه؟

ان قلت ضايق..قال : هونهـا تهـون = مايدري ان ضيقتك لـه وبكـاك لـه

تقعد تحبه وانـت ساكـت ومغبـون = يمكن بيوم يقال لـه مـا اوفـاك لـه

وكانك مشكك هو يمون .. او ما يمون = تخيّل ان عفـت الصبـر فرقـاك لـه

غلاه من فـوق الغـلا ماهـو بـدون = وحكاه سمعك يجبـرك بارخـاك لـه

ودك تحطـه فالعيـون مـن العيـون = وتبسط على رمضى الثرا يمنـاك لـه

وتظله من الشمس في ظـل الجفـون = ولا يمـر اذنـه سـوا لبـاك لــه

وتسج مـن غيـره لونهـم يذكـرون = ومنين ما سجت القـدم ممشـاك لـه

فلو ٍ يميلـه التـرف ميـل الغصـون = غصن ٍ ليـان ومكرمـه بسقـاك لـه

جديله الى اقفى ستـر منـه المتـون = كنّـي بريحـه لالتفـت لدعـاك لـه

يزها الملابس ..اي لبس ..واي لون = وفالليل وجهـه لا ظهـر قـداك لـه

كيك وعسل لكن ماهو فـي صحـون = ودعاك من عين الحسود اغطـاك لـه

الله لا يعطيـه نـاس س ينضـلـون = ويستر عليـه مـن النحـل لا ياكلـه

الوصف والتعبير في وصفـه يخـون = غير اطلب الله يستجيب ادعـاك لـه

وعذال قلبـك فـي محبتـه يخسـون = سكينهـم عـن قطـع حبلـه حاكلـه

اللـي مـن لحـوم الاوادم ياكـلـون = وحلوقهـم دافـع الـبـلا متواكـلـه

ناس ٍ عن اعراض العرب ما يعرضون = ودايم على نفـس الشكـل والشاكلـه

فـي سلمهـم اولا بالاكـل الاقربـون = واطيبهم اللـي صيدتـه شكـواك لـه

يدعيهـم الشيطـان للذنـب ويجـون = هـذا يقـطـع لــه وذاك يواكـلـه

يا جعلهم فدوة ثـر الغـض الفتـون = اللي على الدرب الطويل اخطـاك لـه

طيفه الى نـام البشـر زارك بهـون = وطيفك الى نـام البشـر سـرّاك لـه

حبه دفان ومقبـرة خضـر الطعـون = بيـن العظـام العـوج كنـك ناكـلـه

اللي كذا حبـه لـو تمـوت مغبـون= ولا لك الا الصبـر .. وش وداك لـه

من رواااااائع ابن فطيس المري

رااااااااقت لي كثيييييير
تحياتي لكم جميعا

مشكور ه غاليتي على مثل هذا التميز في طرح القصيد حقيقه حسبتها من ابداعاتك بس مو غريبه منك ان تاتي بمثل هذي القصيده قصيده رايعه جداا بارك الله فيك ولك ودي قبل ردي

.... البروفيسوره .....

..... شكرا على الابيات الجميلة وكلها حلوة والله بس اللي عجبني فيها البيت
الخامس

5)....

تقعد تحبه
وانـت ساكـت ومغبـون = يمكن بيوم يقال لـه مـا اوفـاك لـه

.... ربي يعطيك العافيه على النقل الأروع والأجمل والامثل دائما ....

سيدتي الفاضلة ::: لا تبخلي بالقليل فانه يساوي الكثير

بالمنتدى ؛؛؛

اشكرك بحجم ذلك النور الذي قدم برفقة تلك القصيدة

تقبلي حضوري المتواضع

يسلمو حبوبه ع القصيده الرائعه المعطره بأسم المري..

لك كل الحب لنقل هذه الألماسه...

اقتباس :: بعض العرب حبـه يـوردك الجنـون =ولا يوصف لـه غـلاه احكـاك لـه

مايقنعه وصف الغلا لـو وش يكـون = لو كل حـرفٍ بالحريـر يحـاك لـه

قصيده رائعه يا ابن فطيس وصح لسانك

رائعه انت يالبروفيسوره على هذا الانتقاء والحس الجميل

تسلمين والله يعطيج العافيه

في انتظار جديدكِ