ـ بودنج الكاراميل بالشكولاته ـ

*** بودنج الكاراميل بالشكولاته ***

المقادير :

٣/٤ كوب + ملعقتين طعام سكر عادي

١/٤ كوب مويه

كوب قشطة خفق

٣ أكواب حليب كامل الدسم وقصير الأجل

١/٤ كوب نشا ذرة

بيضتين

ملعقتين كبار فانيلا سايلة

ملعقة كبيرة ملح

حوالي ٦٠ جم شكولاته غامقة

الطريقة :

أول شي راح نسوي كاراميل ، هذي الطريقة هي الكاراميل بالطريقة الرطبة تقدرين تسويين كاراميل ناشف بس أفضل هنا هذي أسهل بكثير للي ما يعرف .

حطي السكر و المويه في قدر ثقيل على نار أعلى وسط ، غطي القدر وخليها تطبخ إلين ما تغلي ، بعد ما تغلي خلي القدر مغطى شوي بعدين شيلي الغطا .
الحين خلي السكر يطبخ إلين ما تلاقين لونه بدأ يتغير ، الحين يفضل تهزين المقلة شوي شوي عشان تلونين الكارميل بالتساوي .
الحين لازم تعرفين شي : كل ما طبخ الكاراميل كل ما صار طعمه معقد أكثر بس أقل حلاوة ، لهذا الحلى بالذات أنا أبغى طعم كاراميل قوي عشان كذا خليه يطبخ إلين ما يسير ذهبي إلى بني غامق تقريبا أو إلين ما تلاقين بدأ يدخن . علطول قفلي النار و صبي القشطة شوي شوي و مع التحريك المستمر . طبعا غطي يدك هنا عشان بيفور بسررررررررررررررررعة . إستمري إخلطي إلين ما تلاقينه صار ناعم بعدين أخلطي الملح و أخلطي شوي .

** طبعا الفوران طبيعي عندك كاراميل حرارته ٣٥٠ فهرنهايت و الموية تغلي على ٢١٢ فهرنهايت وش تتوقعين يسير إذا خلطتيهم ؟.

أخلطي البيض و الفانيلا في صحن ، و أخلطي ١/٢ كوب من الحليب و النشا في صحن ثاني .أخلطي باقي الحليب ( ٢ ونص كوب مع الكراميل ) و خليه يرجع يغلي مع التحريك . بعدين صبي عليهم النشا و الحليب وخليهم يغلون غليه خفيفة وطبع إستمري في التحريك هنا جدا مهم . الحين خليه يطبخ زود دقيقتين عشان يروح طعن النشا بس .

الحين أخلطي شوي من خلطة الكاراميل على البيض و أخلطي زيييييين بعدين صبي خليط البيض على باقي الكاراميل . طبعا الخطوة هذي عشان ما يتكتل عليك البيض . أخلطيهم زيييييييين .
الحين صبي حوالي ١/٢ كوب من الخليط هذا على شكولاته مقطعة و حركيها زيين عشان تذوبين الشكولاته .
الحين حطي شوي من خليط الشكولاته في صحون قزاز ، وبعدين زيدي عليها من الكاراميل . خليها تبرد حوالي ساعتين على الأقل قبل التقديم . قدميها مع قشطة مخفوقة و أوريو مكسر أو لو تبين شكولاته مطحونه .

وبس ......

ـ بودنج الكاراميل بالشكولاته ـ Shamoa-5269319b0e

ـ بودنج الكاراميل بالشكولاته ـ Shamoa-75e90d029b

املممممم

بجرب واقولك عالنتيجه

يسلمو رورو