كفى تبكي على الاطلال

على الاطلال لا تبكي كفى تبكي على الاطلال ..

تناسى الهم ياقلبي كفانا غربله وهموم

تعال احسب معي الايام وكم ليله بليا وصال..

خلاص الماضي ما يرجع ترى حنا عيال اليوم

هذاك اول نعيش بحب ونتهنى براحة بال..

هذاك اول قبل نكبر وتصبح ف العلوم علوم

ياقلبي هذي الدنيا ودايم تنقلب الاحوال..

ترى ماني الوحيد اللي بصدري ضيقه ومكتوم

انا ادري ان الزمن ظالم ولا يحسب عنا الرجال ..

واعرف الحظ ليمن طاح يبيله وقت لين يقوم

وذي قسمتنا ياقلبي تصبر عالحزن لو طال..

امر مكتوب ومقدر وكيف نغير المقسوم

مهو ذنبي ولاذنبك نعاف الحلم والامال..

مدام ان السهر فارض علينا ما نذوق النوم

ياقلبي تعبت عيوني وهي تنظريمين شمال ..

ادور للامل لكن لقيت ان الامل معدوم

ياقلبي لا المطر جانا ولا حتى بعد همال..

ما غير تحوفنا الغيمه تمنينا المطر وتحوم

انا احب البحر واعرف هدير الموج واليامال..

ولكني معا هذا احس اني ماطيق العوم

اعيش بفقري وراضي ولا ودي يجيني مال..

لاني لولقيت المال وجيت اشري عجزت آسوم

ياقلبي مر في سمعي كثير من الحكم وامثال..

ولكن ما لقيت اصدق من اللي قال بكره يوم

تعال نعيش دنيانا ونتعود على ذا الحال..

ويمكن شمسنا تشرق وتصبح في العلوم علوم ..

الشاعر : فيصل اليامي

ياقلبي تعبت عيوني وهي تنظريمين شمال ..

ادور للامل لكن لقيت ان الامل معدوم

ياقلبي لا المطر جانا ولا حتى بعد همال..

ما غير تحوفنا الغيمه تمنينا المطر وتحوم

------------

روعه روعه روعه جدا هذي القصيده

امبراطورنا القدير

يسلمو ع الاختيار الذوق

ثانكس

اقتباس :

ياقلبي مر في سمعي كثير من الحكم وامثال..

ولكن ما لقيت اصدق من اللي قال بكره يوم

تعال نعيش دنيانا ونتعود على ذا الحال..

ويمكن شمسنا تشرق وتصبح في العلوم علوم ..

استاذي وسيد العقلاء :

روحي فداك

دائما أراك مبدع ومميز في أطروحاتك وكأن الإبداع خلق ليكون لك
وحتى نقلك له رونق خاص
تسلم على هالنقل يابديع الاحساس والقلم

لك احترامي ودمت بود

كلمات قمه فـ الذوق

وزادها أبداع غناء علي بن محمد

وزادها روعه وتألق أنتقاءك روحي فداك
كالعاده متألق...........

تقبل مروري الرقيق

اقتباس :: واعرف الحظ ليمن طاح يبيله وقت لين يقوم

وذي قسمتنا ياقلبي تصبر عالحزن لو طال..

امر مكتوب ومقدر وكيف نغير المقسوم

مهو ذنبي ولاذنبك نعاف الحلم والامال..

ما آروع تلكـ الحروف التي أكتسبت جمآلا ..

وما أبهاها من أسطر حينما ينتثر النقآء بين كلماتها ..

ْْ توتا ْْْ

رآقت لـــي ذآئقتكـ الشعرية ,, فـ آمطر علينا بـ المزيد ..

طرح كآن فـ قمة ـآلابداع

بآقة من ـآلاوركيـــد لكـ ..!!

/

اشكر كل من شرفنا بالحضور هنا ؛؛؛ وليعلم الجميع ان لكم

في القلب معزة وبالنفس احترام ~ ~ ~ وقد كنتم صدى

شوق فزيدوني شرفاً كل مرة ....الود والمحبه للجميع

» لـآ تبكي قبـل النومـ ,!!
» لماذا تبكي النساء بسهولة ؟؟