برنامج ال blue J + ملف لتعلم البرنامج

السلام عليكم ورحمه الله وبركاته


أقدم لكم برنامج ال blue j لتعلم وتعليم الجافا






BlueJ supports:
* fully integrated environment
* graphical class structure display
* graphical and textual editing
* built-in editor, compiler, virtual machine, debugger, etc.
* easy-to-use interface, ideal for beginners
* interactive object creation
* interactive object calls
* interactive testing
* incremental application development


شرح البرنامج

اقتباس :

هذا شكل البرنامج:



هذا هوه البرنامج ومثل ماهو واضع عندنا ثلاث اقسام رئيسية, قسم اللي تظهر فيه الكلاسات حقنا واضح وين, وقسم للتحكم في الكلاسات على اليسار وأخيرا قسم تظهر فيه الاوبجيكتس اللي نسويها من اي كلاس, كلامي بيتوضح قريبا

لما نسوي أي كلاس جديدة تظهر لنا في قسم الكلاسات مثل الموجودة عندنا حاليا كلاس Hello, الخطوط المايله في ايقونة Hello توضح ان الكلاس ما تسوى لها compile.

هذي كانت فكرة الـBlueJ, انه يوريك الكلاس والاوبجيكت على انهم شي مادي حق يتيسر عليك التخيل والربط بين كل شي تحتاجه

طبعا اذا نبي نغير او ندخل على الكود مال الكلاس Hello نحتاج أننا نضغط دبل كليك على Hello فقط



نقدر نسوي كومبايل للكلاس اما بالزر compile او نضغط على الكلاس بالزر الايمن من الفارة ونختار compile
اذا تحققت العملية بنجاح راح تختفي الخطوط المائلة من كلاس Hello مثل ما تشوفوا

طيب شلون نستخدم الكلاس؟
تلاحظوا في الصورة ان احد الخيارات اللي طلعت لنا غير الcompile هيه open editor حق فتح الكود مال الكلاس, وremove لازالة الكلاس
وخيار اخير وهذا اللي يهمنا new Hello(), هذا الخيار راح يصنع أوبجكت من هذي الكلاس وراح يطلع لنا الاوبجيكت في الاطار الاسفل مثل ماهو موضح في الصورة الجاية



الاوبجكت اللي صنعناه يبان عندنا باللون الاحمر تحت ومكتوب hello_1 هذا الاسم اللي يعطيه البرنامج لهذا الاوبجيكت, واسم الكلاس تحت اسم الاوبجيكت


مثل الكلاس, لما نضغط الزر الايمين للفارة على الاوبجيكت راح تطلع لنا الخيارات الموجودة قدامنا, الخيارات نفسها مقسمة الى ثلاث اقسام
القسم الاول inherited from Object تقدروا تشوفوها بأنفسكم لان الكلام فيها يطول ومش ضروري
القسم الثاني يحط لك الsigniture مال الmethods, بمعنى اخر يطلع لك الميثودس والparameters اللي تحتاجها كل ميثود
في كلاس Hello عندنا ميثود وحدة اسمها getGreeting() من نوع String
وراح اعرض الكود حق الميثود

public String getGreeting()

{ return "Hello, World!";
}

طبعا عارفين اش راح نحصل عليه لما نستدعي هذي الميثود؟


كل اللي علينا نسويه انا نضغط على اسم الميثود من اللستة حق الاوبجيكت وتشتغل, والنتيجة



مثل ما توقعتوا تماما



القسم الثالث فيه Remove لازالة الاوبجيكت, وInspect وهذي ميزة من مميزات BlueJ حيث انك تقدر تشوف سلوك هذا الاوبجيكت, مثلا لو كنت مسوي عملية حسابية ومخزن قيم في متغيرات مؤقة ما تحتاج انك تعرض محتوياتهم على الشاشة, ولكن تحتاج تختبرهم حق تعرف ايش قاعد يصير, تختار Inspect وراح يعرض لك جميع المتغيرات اللي تستخدمها وعلاقتها ببعضها ونوعها (String, int, or any Object or permittive type) وهذا الشي يساعدك كثير في Testing and debugging

طبعا تقدروا تصنعوا عدد ما شاء الله من الكلاسات والاوبجيكتس بنفس الطرق اللي طرحتها من قبل

شي جدير بالذكر ان في BlueJ ما نحتاج الmain method علشان نشغل البرنامج, مثل ما انتوا لاحظتوا ان البرنامج يتعامل بشكل اساسي مع الاوبجيكتس, لكن هذي لا يعني اننا ما نقدر نستخدمها

هذي صورة لبرنامج فيه اكثر من كلاس مترابطة مع بعض



هذا راح يكون شكل برنامج يستخدم اكثر من كلاس, وهذي الكلاسات تستخدم بعضها البعض, او بمعنى اخر تستخدم اوبجيكتس من كلاسات ثاني
لاحطوا كيف ان عرض الكلاسات مرتب والترابط واضح يبين لك كيف الكلاسات تتعامل وتستخدم بعضه البعض
مثلا الكلاس المظللة BattleShipApp طالع منها ثلاثة اسمهم مقطعة مربعية الى ثلاث كلاسات ثانية
هذا الكلام معناه ان هذي الكلاس جالسة تستخدم اوبجيكتس من الكلااسات المتصلة بها, يعني اوبجيكت من EnemyPlayer, FriendlyPlayer, و Board
وبالمثل كلاس Board تستخدم ثلاث كلاسات ثانية كما هو موضح

واضح طبعا ايش الكلاس الاساسية حق تشغيل البرنامج, نعم هيه كلاس BattleShipApp
فاذا ابغى اشغل البرنامج ما علي الا ان اضغط بزر الفارة الايمين على هذي الكلاس واختار new BattleShipApp
لكن في حال ان هذي الكلاس فيها main ميثود بتظهر لي في اللستة واقدر اختارها
طبعا برنامج مثل هذا قد تكون فيه اخطاء كثيرة وصعب ملاحقتها بسهولة
لكن اقدر اصنع اوبجيكت من اي كلاس ابي اختبرها واختار Inspect من القائمة اللي تظهر لي لما اضغط بزر الفارة الايمين على ذاك الاوبجيكت واتحقق من مصدر الخطأ

هذا مثال اخر يستخدم الinheritance



اسف اني ما لقيت افضل من هذا المثال لكن بحاول اكون واضح
لو تلاحظوا هنا عدنا كلاسات دينيماركية (الظاهر) وموصلة مع بعضها بنوعين من الاسهم
اسهم مقطعة مربعية (بزوايا قائمة) واسهم متصلة بمختلف الزوايا
الاسهم المقطعة شفناها من قبل, وتدل على ان الكلاس الفلانية تستخدم الكلاس المتوجه لها السهم
الاسهم الثانية تدل على ان الكلاس الفلانية ترث او inherit مواصفات الكلاس المتوجه لها السهم
يعني لو اخذنا كلاس Dreieck في اليمين, نقدر نعرف ان في ثلاث كلاسات قاعدة تستخدمها, وهيه نفسها جالسة تاخذ مواصفات الكلاس Blatt
وكلاس ZeichneHaus على اليسار, فوق تاخذ مواصفاتZeichenflaeche اللي تحت, وجالسة تستخدم Rechteck فوق على اليمين و كلاس Dreieck تحت على اليمين
لو تلاحظوا في سمهمين طالعين من كلاس ZeichneHaus ورايحين الى Rechteck
طبعا حتى انا اندخعت في البداية, هوه سهم واحد اللي طالع, السهم الثاني لكلاس ثانية اسمها Pixelflaeche, حاولوا تتبعوا السهم وتشوفوا بانفسكم
هذا مجرد خداع بصري نقدر نتغلب عليه بتحريك الكلاسات
اي صحيح انا ما قلت لكم نقدر نحرك الكلاسات بكيفنا داخل الاطار الابيض حق نرتبهم بالترتيب اللي يناسبنا

هذا كل اللي اقدر اقوله عن البرنامج, الباقي تقدروا تكتشفوه بانفسكم

وقبل لا انسى, هذا كتاب انا لقيته اكثر من روعة يعلمك على الجافا من الصفر باسلوب جميل جدا باستخدام BlueJ
طبعا يعلمك حتى على BlueJ انا وجدت الكتاب مفيد جدا
اسم الكتاب:Objects First with Java: A Practical Introduction using BlueJ, 2nd ed
المؤلف: David J. Barnes & Michael Kölling

جزا الله صاحب الموضوع خير الجزاء ..

تحميل البرنامج


http://www.bluej.org/download/files/bluejsetup-204.exe


ملف لتعلم الجافا


http://www.arabjava.com/storages/bluej.rar

باسورد لفك ضغط الملف

arabjava.com





للأمانه الموضوع من تجميعي

تحيتي

الإمبراطورة